Súbete ao Rocío!!

Como presentación ás Xornadas de Portas Abertas do noso centro, realizamos este vídeoclip no que participamos toda a comunidade educativa. Súbete ao Rocío!

Poemas pola paz

Co gallo da celebración do día da Paz e non violencia, o martes 30 de xaneiro, no noso centro realizamos un acto para todo o alumnado e profesorado. Podedes velo nesta entrada:

DÍA DA PAZ E NON VIOLENCIA 2018

Alén diso, os alumnos de 6º de Ed. Primaria fixeron uns vídeos con poemas en galego por mor desta data. Aquí o podedes ver.

Nós feiramos de segunda a sexta!

Domingo, segunda feira, terza feira, cuarta feira, quinta feira, sexta feira e sábado. Eis os días da semana tradicionais en galego e no mundo da lusofonía. En Galiza aínda perviven e están vivas en boa parte do país, se ben nas persoas de máis idade. 

 PREME NA IMAXE PARA ACCEDER Á WEB

Para evitar a desaparición destas denominacións, recuperalas e darlles vida diaria xorde a campaña “Nós feiramos de segunda a sexta”, impulsada por  A Mesa pola Normalización Lingüística, Portal Galego da Lingua ( PGL),  A Associaçom Galega da Língua (AGAL), xunto coa Fundación Vía Galego.

 Dentro desta campaña, o grupo musical Mamá Cabra compuxo a canción "Na segunda feira", co obxectivo de facilitar ás crianzas a aprendizaxe dos días da semana tradicionais.

Día da Paz 2018

Achegámonos xa ao día da Paz, o 30 de xaneiro. Na nosa escola xa estamos a preparar as actividades para este día. Aquí vos deixamos unhas cancións para celebralo:

O Nadal está a chegar!!

Este 22 de decembro ven un personaxe moi especial a visitar á rapazada de Vigo:

Mitoloxía galega

Xa estamos próximos a un dos momentos máxicos do ano, o Samaín, no que o mundo dos mortos e dos vivos parecen achegarse...
Galicia é un lugar moi rico en mitos e lendas, habendo unha grande cantidade de personaxes máxicos. Aquí vos deixamos un par de enlaces para que vos informedes en profundidade.

GALICIA ENCANTADA

 
Tamén tedes este documental onde podedes ver parte deste folcklore tan apaixonante:

Festa da Recolleita e do magosto de Matamá

O dia 7 de outubro celebrase a festa da Recolleita e do magosto en Matamá, organizada polo Colectivo Malaherba.

A festa comezará ás 17:oo h, cunha andaina para nen@s na que recolleremos o millo e o cargaremos un carro con bois para baixalo á festa. A andaina estará animnada polo Bardo Abelardo.
Sobre as 19:00 h, teremos a esfollada do millo e o reparto de castañas.
Ás 20:00 h, comezará a actuación de Peter Punk, un pallaso que terá á xente moi entretida.
A derradeira actuación, será ás 22:00 h coa música de Blues do País.

Os nosos compañeiros, Diego e Marta, que son de Matamá,  poden comentarnos algún aspecto mais desta festa:
D- A min encántame ir a esta festa. Sempre hai algunha actuación para os rapaces e ademais é o primeiro magosto do outono.
M- A min o que máis me gusta é esfollar o millo. Hai que lembrar que este millo que recollemos foi o que sementamos no mes de abril na festa da Sementeira.

Agardamos que vos pasedes pola festa e o pasedes moi ben.