Marcadores

23 de nov. de 2012

O TSXG bota embaixo a consulta do PP ás familias sobre o uso do galego en Infantil

Invalida tamén que o alumnado use no aula calquera idioma; terá que falar no que se imparta a materia.
 Non haberá consulta ás familias para escoller a lingua vehicular do ensino en Infantil. Así o dispón a resolución do TSXG que vén de se facer pública nesta quinta feira, e que bota embaixo "o artigo que supuxo o varrido da nosa lingua no 96% dos centros de ensino do País", sinala Carlos Callón, presidente da Mesa pola Normalización.

21 de nov. de 2012

6 de nov. de 2012

Vinte anos de incumprimento da Carta Europea das Linguas Rexionais ou Minoritarias en Galiza

O documento europeo que protexe as linguas rexionais ou minoritarias históricas de Europa celebra os seus vinte anos coas críticas á actuación dos gobernos español e galego polo seu incumprimento. A Mesa e AGAL exixen que os poderes públicos recoñezan os seus compromisos en materia lingüística coa UE.



5 de nov. de 2012

Ollos de aula

Xa tedes nas vosas mans o Nº 2 de Ollos de aula, a revista que edita a CGENDL para as familias do alumnado.

O que buscabas!!

Presentámosvos o Blogue "Recursos GZ".  Mirade a cantidade de recursos que teñen! Desde música, filmes, xogos, actividades... Un blogue que non vos debedes perder.



29 de out. de 2012

Recursos coas Festas do Outono

Desde a web da Secretaría Xeral de Política Lingüística ponse á vosa disposición unha chea de recursos e materiais para traballar as diferentes festividades do Outono. Podedes traballar con elas na aula ou en casa.



25 de out. de 2012

O Consello de Europa censura a política lingüística da Xunta




Outro duro informe europeo contra a política lingüística da Xunta. O Comité de Ministros do Consello de Europa vén de aprobar as recomendacións a España con motivo do terceiro ciclo de seguimento do cumprimento da Carta Europea das Linguas Rexionais ou Minoritarias, nos que analiza a situación dos idiomas cooficiais no Estado. Non deixa en moi bo lugar ao Goberno de Feijóo que, tal e como se prevía, atoparase de novo con fortes críticas ao seu tratamento á lingua propia no comezo do seu mandato.

PREME NA  IMAXE PARA ACCEDER AO ARTIGO ORIXINAL

A razón de G. B.

Deixámosvos aquí unha irónica carta que Ana Martínez Piñeiro dirixiu ao xornal "Faro de Vigo". Esperamos que vos guste e vos invite a reflexionar.

Veño de ler neste xornal un artigo segundo o cal Galicia Bilingüe denuncia a imposibilidade de vivir en castelán nos colexios galegos.
Escribo esta carta para amosar o meu total apoio a esa teoría. Eu aínda diría máis, vivimos nun país no que é imposible vivir en castelán.
Voulles contar a miña historia. Teño dous fillos aos que sempre falei en castelán. E así falaban eles, ata que comezaron a ir ao colexio público. Con tres anos abandonaron totalmente a súa lingua materna, e agora só falan galego. Só len en galego. Só escriben en galego. Viven nun mundo tan altamente galeguizado que me miran con extrañeza porque falo castelán, e incluso me preguntan por que non son coma todo o mundo, por que non falo en galego. Pero se fosen só as mestras... Os compañeiros e compañeiras, os seus pais e nais, as profesoras das actividades extraescolares... pero tamén as caixeiras do supermercado, os carteis de todos os comercios vaiamos onde vaiamos, a pediatra, o persoal do banco, a fisioterapeuta, todo o mundo que nos rodea fala en galego. Os impresos do Sergas, os recibos dos bancos, as propagandas de fontaneiros, mesmo os xornais, este mesmo, no que, de 76 páxinas, non puiden atopar nin unha soa noticia en castelán!!! Por non falar dos debuxos animados, por máis que busco, só nunha canle botan programas infantís en castelán.
É certo: nesta cidade na que vivo non hai xeito de facer unha vida normal en castelán. As persoas castelán-falantes estamos totalmente discriminadas e temos que chegar a facer xuntanzas especiais nos parques para que os nosos fillos poidan escoitar falar castelán con normalidade. Eu mesma non sei por que estou a escribir en galego. Será que á fin conseguiron adoutrinarme sen eu querelo.
Un saúdo e forza a todas as persoas que, coma min, se senten estranxeiras no seu país por mor de usar a súa lingua.

FONTE: http://www.farodevigo.es/cartas/2012/10/24/razon-galicia-bilingue/701511.html

"...Mais só os ignorantes, e féridos e duros, imbéciles e escuros, non nos entenden, non..."

9 de out. de 2012

Xogos Tradicionais

Da colaboración entre a Asociación XOTRAMU (Xogos Tradicionais de Muimenta) e a Fundación TIC, xorde esta interesante páxina con diversos vídeos sobre os xogos tradicionais galegos.



13 de set. de 2012

"E á educación no rural, quen a rescata?"

Artigo do xornal Praza arredor do inicio do curso escolar 2012-13.
Preme na imaxe para acceder ao artigo.

Cruzando o arco de Xelmírez

11 de set. de 2012

O valor internacional do galego

A Federación Galega de Parques Empresariais ven de iniciar unha campaña baixo o lema O galego, chave para os teus negocios no mundo, coa que se pretende achegar a nosa lingua ao mundo empresarial e evidenciar a súa utilidade para crear conexións con outros países onde o castelán non conecta, ou conecta peor. Artigo de Valentim Fagim (PREME NA IMAXE).

http://pglingua.org/images/stories/fotos/2012/09/100912_o_galego_chave.jpg

6 de jun. de 2012

O ensino en galego na Educación Infantil

A Mesa pola Normalización Lingüística constata que na educación infantil das sete cidades galegas (até os seis anos) a presenza da lingua propia do país “decaeu de forma notoria nos anos de goberno de Alberto Núñez Feijóo” e calculan que este descenso a sitúa mesmo por debaixo do 10%. A Mesa anima as familias a responderen “galego” nas matrículas de Educación Infantil, “pois é o único xeito de garantir unhas competencias mínimas tamén na lingua do país”.

PREME NA IMAXE PARA MÁIS INFORMACIÓN

1 de jun. de 2012

Enquisa sobre a língua aos pais de Educación Infantil

Desde a Coordinadora Galega de equipos de normalización lingüística, achegamos esta nota informativa aos pais que van matricular aos seus fillos en Educación Infantil, arredor da lingua que queren que se empregue na aula.



Xunto á documentación para formalizar a matrícula  na etapa de Educación Infantil, a Consellería de Educación e Ordenación Universitaria envía unha enquisa na cal se pregunta pola lingua materna do neno ou da nena. As dúas opcións que se ofrecen son castelán ou galego.

As familias debedes saber que  o resultado da devandita enquisa establece a lingua que se vai empregar na aula durante os tres cursos da etapa de Educación Infantil.

Se desde a escola se vos pide ás familias que decidades, debedes ter toda a información  para facelo de xeito responsable, sendo conscientes das consecuencias que a vosa escolla terá no futuro.

Hai moitas razóns polas cales cómpre elixir o galego para os nosos nenos e nenas:

- Porque necesitan competencia nas dúas linguas para poderen no futuro decidir cal queren usar.

- Porque é un momento decisivo na súa aprendizaxe e deben saber que o galego é tamén unha das linguas da escola.

- Porque mellorarán a competencia en castelán e noutras linguas.

- Porque chegarán con mellor preparación ao ensino primario.

- Porque poñerán en valor o que lles pertence como galegas e galegos.

- Porque renunciar a que o galego forme parte do ensino infantil,  supón  perder a oportunidade de ilo integrando de xeito natural e sen ningunha dificultade.


Está na vosas man facer unha escolla responsable.

25 de mai. de 2012

Recoñecemento ao creador de Super Mario

Como xa saberedes, Shigeru Miyamoto, o creador de Super Mario Bros. e moitos outros personaxes de Nintendo, acaba de ser premiado co Premio Principe de Asturias de Comunicación.
Os seus videoxogos, dirixidos a todos os públicos baixo un enfoque familiar, foron recoñecidos "por excluir a violencia e por innovar con programas e formatos que axudan a exercitar a mente nas súas múltiples facetas, resultando moi valiosos desde un punto de vista educativo."
Aquí vos deixamos unha canción que o grupo galego Ataque Escampe lle dedicou ao fontaneiro máis famoso entre a rapaza de medio mundo. Para escoitala, PREME NA IMAXE:


23 de mai. de 2012

Imaxin Software gaña o premio Leixapren 2012

A empresa Imaxin-Software gaña o Premio Leixaprén 2012 polo uso cotián do galego

A empresa compostelá, dedicada ao desenvolvemento de programas informáticos, resultou a máis votada polos Equipos de Normalización e Dinamización Lingüística dos centros de ensino polo uso cotián que fai da lingua galega.
PREME NA IMAXE PARA TER MAIS INFORMACIÓN

21 de mai. de 2012

Empresas e comercios co Modelo Burela

Hai pouco vos deixamos unha lectura sobre o modelo de inmersión lingüística coñecido como Modelo Burela, agora vos deixamos outra nova relacionada coas empresas que asumen como propios os criterios de atención e de comunicación deste modelo.
PREME NA IMAXE

18 de mai. de 2012

XIII Festival Internacional de Títeres de Redondela

Desde o 14 de maio e ata o domingo 20 estase a celebrar en Redondela a 13ª edición deste festival, organizado pola Concellería de Cultura do Concello de Redondela e a Asociación Xente Titiriteira.
O festival contará coa presenza de quince compañías de teatro de catro paises distintos: Inglaterra, Dinamarca, Portugal e España, artistas especializados na manipulación de obxectos, títeres de man e luva, marionetas de fíos, bonecos tradicionais de madeira e sombras chinesas.

Hay dúas programacións, a de sala que se desenvolverá no Auditorio Multiusos da Xunqueira e a de rúa que transcorrerá nas distintas rúas e prazas do municipio redondelán.
As actuacións de rúa son de balde, mentres que as de sala teñen prezos de 3 a 5 euros.

Posto que o tempo non acompaña nestes días para ir á praia, suxerímosvos que vos pasedes por Redondela, xa que contan con carpas e espazos acondiconados para evitar a chuvia.

PREME NA IMAXE PARA VER O FOLLETO

15 de mai. de 2012

Xabarín 18

O Xabarín Club celebra a súa maioría de idade.
Nestes 18 anos foi un dos programas con máis éxito que tivo na súa historia a TVG. Con máis de 100.000 rapaces afiliados, converteuse nun fenómeno social que desenvolve un importante labor de normalización e achegamento da lingua aos máis cativos.
O programa inclúe series de debuxos animados, videoclips de grupos musicais galegos, e series de produción propia. 
Moitos grupos musicais galegos tales coma Siniestro Total, Heredeiros da Crus, Nación Reixa, Os Diplomáticos de Monte Alto ou The Killer Barbies, e tamén portugueses e africanos actuaron para o programa, dando a coñecer aos cativos o chamado "movemento Bravú".
Desde o EEI Monte da Guía e o CEIP Sequelos de Marín iniciouse un proxecto para conmemorar o aniversario do porco bravo máis famoso de Galiza. Neste proxecto atoparedes música, vídeos, xogos e actividades. Tamén información sobre os diversos eventos que se están a celebrar con este motivo.

PREME NA IMAXE



A profe Mari Cruz tamén nos deu unha entrada interesante, a da páxina oficial do Xabarín Club, na que, entre outras cousas, vos podedes facer socios, ver videoclips, descargar materiais...

 PREME NA IMAXE



O Plurilingüismo que queremos

A Coordinadora de equipos de Normalización e Dinamización Lingüística quere achegarlles ás nais e aos pais dos escolares o seu posicionamento arredor dos centros plurilingües que a Consellería está a implantar desde o curso pasado. 
A CGENDL reclama unha visión afastada de posturas ideolóxicas e partidarias (tendentes a marxinar a lingua galega do ensino) que aposte por vías de introdución e consolidación do ensino plurilingüe asentadas en criterios pedagóxicos. 
Por iso, animámosvos a consultar o material que tedes á vosa disposición na seguinte ligazón: 
PREME NA IMAXE

11 de mai. de 2012

Correlingua 2012

O xoves 10 de maio os rapaces de 1º, 2º, 3º e 5º participamos no Correlingua, unha serie de carreiras reivindicativas en prol dos dereitos da lingua galega que transcorren polas distintas comarcas de Galiza.
Outras carreiras celebradas como apoio das linguas autóctonas son as seguintes:
Correllengua, carreira polo catalán.
Korrika, polo euskera.
Ar Redadeg, polo bretón.


No cole traballamos unha Unidade Didáctica, para saber que era o Correlingua, coñecer os problemas aos que se enfronta o noso idioma e entender que non iamos de paseo.

UNIDADE DIDÁCTICA DO CORRELINGUA

Pasámolo divinamente, pois ademais de "darlle á lingua", ao final da carreira bailamos e gozamos no parque de Castrelos coas actuacións de Zurrumalla e Xenderal.

4 de mai. de 2012

Campaña a empresa en galego

Con motivo da dedicación das Letras Galegas deste ano a Valentín Paz Andrade, a Coordinadora de Equipos de Normalización Lingüística iniciou unha campaña para promover a nosa lingua no mundo da empresa.
Preme na imaxe para obter mais información das accións propostas:


Por outra banda, tamén presentamos os Premios Leixaprén de recoñecemento á defensa e promoción da lingua galega, unha actividade aberta á participación de todos os Equipos de Normalización Lingüística dos centros de ensino, que nesta 1ª edición quere recoñecer o compromiso co idioma no Ámbito Económico e Empresarial.
  Preme no logo dos Premios Leixaprén.

Monográfico Valentín Paz Andrade

Un ano máis a CGENDL pon á disposición da comunidade escolar un monográfico especial para o día das Letras Galegas, no que se compilan materiais didácticos como actividades, unidades didácticas, exposicións, propostas normalizadoras, xogos, etc. para traballar a figura de Valentín Paz Andrade. 
Preme na imaxe para acceder aos contidos:


2 de mai. de 2012

Letras Galegas 2012

Xa se vai achegando o día das Letras Galegas, adicado este ano a Valentín Paz Andrade.
Achegámosvos máis recursos con información sobre o autor e actividades para traballar cos rapaces.
Estes traballos pertencen ao Seminario Galán e ao CEIP Frián deTeis.
Preme en cada unha das imaxes para acceder aos recursos:

 



30 de abr. de 2012

Festa da Sementeira 2012

A Festa da Sementeira, organizada en Matamá polo colectivo Malaherba foi todo un éxito.
A TVG emitiu un pequeno resumo dalgunhas actividades que alí se fixeron.
Se non fostes este ano, non faltedes o próximo!






















Tamén podedes ver algunhas das fotos realizadas por Zelia García deste evento .

25 de abr. de 2012

O modelo Burela

Interesante lectura arredor do chamado "Modelo Burela", un modelo de inmersión lingüística para todos e todas. Preme na imaxe:

24 de abr. de 2012

Festa da Sementeira do millo

O Colectivo Cultural Malaherba organiza para esta fin de semana, en Matamá, a Festa da Sementeira do millo, na que haberá moitísimas actividades: Mostra de aparellos do campo, Olimpiadas do campo (con probas para os nenos), charlas de agricultura ecolóxica, actuacións musicais e monologistas... Tamén se realizarán unha muiñada, unha labranza con bois, e a sementeira do millo por parte dos rapaces asistentes...
Para chegar, dirixídevos á capela de San Mauro, en Matamá, e alí xa atoparedes indicacións do lugar de celebración.
Ollade no cartaz o horario das actividades.

22 de abr. de 2012

Que raios é iso dos neofalantes?

Ofrecémosvos un vídeo do colectivo "A nave das ideas". Unha intervención de Belén Regueira, xornalista e neofalante, na que conta as súas experiencias. Esperamos que vos guste.


18 de abr. de 2012

Galego e portugués: Semellanzas e diferenzas

Ofrecémosvos dous vídeos que tratan sobre as semellanzas e diferenzas dos idiomas galego e portugués. O primeiro, pertence a serie "Ben falado!" da TVG, e consta de varios capítulos.



O segundo é un programa da RTP "Cuidado com a lingua", que adicou este capítulo á relación entre o galego e o portugués.
Esperamos que vos resulten interesantes.


Novo Dicionario da RAG

Recentemente a asociación Trasno vén de publicar unha extensión para o navegador Firefox realizada por Antón Meixome que permite consultar o novo dicionario en liña da Academia Galega desde o navegador. Este e outros complementos de utilidades en galego para Mozilla Firefox podedes descargalos AQUÍ
Tamén desde a rede social galega Cabozo podedes baixar unha extensión co mesmo propósito para o navegador Google Chrome, premendo AQUÍ.

11 de abr. de 2012

Deolinda

Deolinda é un grupo de música popular portuguesa (MPP), inspirado no fado e nas súas orixes tradicionais.
Ademais, as súas cancións permiten que poidamos "abrir orella" e, a partir do noso coñecemento do galego, achegarnos a unha maior comprensión do portugués.


Os días da semana

O blogue "Debullando a fala" é  un lugar de encontro para todos aqueles que se interesan pola nosa lingua, propondo solucións, ás veces, pero, sobre todo, recomendacións e opinións razoadas sobre os problemas prácticos e teóricos que xurden na práctica. 

Na seguinte entrada deste blogue atopamos unha clara exposición da orixe que ten a dobre nomenclatura dos días da semana en galego, esperamos que vos resulte unha lectura interesante.


10 de abr. de 2012

Telexornal Paz Andrade

Aquí vos deixamos un interesante video realizado polos rapaces do CPI Os Dices de Rois, arredor da figura de Valentín Paz Andrade. Unha idea moi ben traballada:


Web de Valentín Paz Andrade

Este ano adicámoslle o día das Letras Galegas a Valentín Paz Andrade. Para coñecer un pouco máis a este notable personaxe, achegámosvos unha ligazón na que se dá abondosa información sobre a súa vida e obra, así como os diversos eventos que se han celebrar por toda a xeografía do noso país para lembrar a figura de Valentín Paz Andrade.



Visita de Luis Ferreiro

O venres 30 de marzo recibimos na nosa escola a visita de Luis Ferreiro, o fillo máis vello do escritor Celso Emilio Ferreiro. Os rapaces do 2º e 3º ciclo puidemos coñecer de primeira man algunhas das anécdotas da vida deste autor celanovés, do que neste ano se celebran os 100 anos do seu nacemento. Algún dos segredos que Luis nos contou é que a data real na que naceu o seu pai foi o 4 de xaneiro, pero en todos os libros e artigos se menciona o 6 de xaneiro pois esa foi a data "oficial" na que o inscribiron no rexistro de Celanova.

28 de mar. de 2012

Radiofusión

Radiofusiòn é a programación común elaborada polas Emisoras Municipais Galegas e difundida polas quince emisoras locais asociadas desde distintas partes da Galiza.
Desde a súa páxina tamén a podemos escoitar online. Preme no título para entrar na súa páxina web.

27 de mar. de 2012

LINGUA GALEGA TV



LINGUA GALEGA TV é un portal de internet no que se acollen diversas iniciativas audiovisuais relacionadas co noso idioma.
Presenta varias canles de TV Online:
A formación en liña (CANLE 1)
O galego na música (CANLE 2),  
Reflexións sobre a emigración galega a Lisboa (CANLE 3) 
Falemos de literatura, arredor da obra de Rosalía de Castro (CANLE 4).  
O vídeo na aula, dedicada á promoción de audiovisuais realizados en lingua galega. (CANLE 5)
 Moi interesante, non deixedes de visitalo.

25 de mar. de 2012

Son de poetas

Deixámosvos o enderezo dun blogue moi interesante: SON DE POETAS. Un blogue adicado á poesía galega musicada. Este traballo foi desenvolvido polo IES David Buján, de Cambre, A Coruña, coa intención de achegarnos á poesía e literatura galega dun xeito ameno, a través da música. Esperamos que vos guste.


23 de mar. de 2012

22 de mar. de 2012

21 de mar. de 2012

Terras de Merlin

Resumo da serie documental "Terras de Merlín", retransmitida na TVG, na que se trata a relación de Galiza coas nacións celtas.

As Terras de Merlin - As nacions celtas from Ith on Vimeo.

20 de mar. de 2012

Son neofalante

Ofrecémosvos a carta dun "neofalante", dun rapaz que un día se decidiu por falar en galego. Xa ten o seu tempo, pero segue a ser unha lectura interesante.

Son neofalante

Galeguiza o teu computador!!!

Aquí tedes unha ligazón para poñer o sistema operativo Windows (7, Vista ou XP) do voso ordenador en galego. Tamén podedes poñer en galego o paquete de programas de Microsoft Office.

Preme no título e segue as instruccións:

Vive en galego


Tamén podedes descargar aquí o navegador Mozilla Firefox en língua galega.

Mozilla Firefox en galego

19 de mar. de 2012

Lendas Vivas



- Lendas Vivas: Programa de V Televisión, no que Xosé Couñago nos relata diversas lendas de Galiza.


9 de mar. de 2012

TV e AUDIOVISUAIS


Aquí vos iremos deixando ligazóns relacionadas con canles de TV, cine e outros materiais audivisuais.
Preme sobre eles.



Plataforma web adicada á promoción e difusión do audiovisual galego.




Televisión online do Concello de Redondela



CINEMALUGO.TV   
 Plataforma web sobre a historia do cine en Lugo.

7 de mar. de 2012

Historia da lingua galega

A primeira lectura que vos imos recomendar é esta "Historia da língua galega", en versión para xente nova. Un pequeno e interesante libro da Editorial A Nosa Terra.
Preme sobre a imaxe para podelo ler.


Shakira... en galego?

Pois non, non vos emocionedes!!
Aquí temos unhas cancións nas que Shakira canta en portugués. (E iso que ela é colombiana!!)
Escoitando estas cancións veredes que para nós, que sabemos galego, é moi doado entendela.
 De feito coñecer varias línguas derivadas do latín é unha vantaxe para aprender outros idiomas con facilidade.

6 de mar. de 2012

Música de Celso Emilio Ferreiro

Moitos dos poemas do escritor de Celanova foron interpretados por artistas musicais de xéneros tan distintos como o hip-hop, folk, rock, cantautores.... Escolle a que máis che guste!!

Deitado frente ao mar  (García MC, Dios ke The Crew)

Son un pasmón (García MC, Dios ke The Crew)

Longa noite de pedra (Astarot)

Olla meu irmán (Miro Casabella)

Canción de berce (Luar na lubre)

María Soliña (Luar na lubre)

Irmaus (Fuxan os ventos)

Un soño (Suso Vaamonde)

Eu en ti (Suso Vaamonde)

Falo en nome da terra (Zenzar)

Non (Kastomä)

A espranza (Tiro na testa)


 


Celso Emilio Ferreiro

A Fundación Celso Emilio Ferreiro conmemora o centenario do poeta celanovés que se celebra neste ano 2012. Desde este espazo quere contribuír a difundir o seu extraordinario legado así como dar a coñecer as actividades programadas para este acontecemento único e irrepetible. Preme na ligazón:


 WEB CELSO EMILIO FERREIRO


APRENDE A LÍNGUA

Neste apartado iremos colgando materiais interesantes para mellorar o noso uso da língua:

- Isto é galego: Curso de galego con moito humor, de Cuac FM.

- Ben falado!: Microespazo da TVG de catro minutos diarios dedicados á lingua galega, dirixido e presentado polo académico Xesús Ferro Ruibal, e que promove e financia a Secretaría Xeral de Política Lingüística.