Marcadores

27 de nov. de 2015

Dez sinxelos pasos para revitalizarmos a nosa lingua

A Mesa pola normalización lingüística de Galiza ven de publicar un pequeno video no que nos anima a dar pequenos pasos en prol da nosa lingua.
Aquí vos queda.


9 de nov. de 2015

Recursos do Magosto

Este martes 10 de novembro celebramos na nosa escola o tradicional magosto. Como neste curso estamos no "Ano Picolímpico", os nenos e nenas do Rocío farán unha Olimpíada das Castañas, xogando en diversas probas deportivas antes pasar á degustación das castañas asadas.
Para saber máis sobre esta festa tradicional, deixamos aquí os seguintes recursos:

Recursos do Magosto
O magosto en Galiza. (Presentación)
U.D. da Castaña

4 de nov. de 2015

Samaín 2015

Para celebrarmos o Samaín, os rapaces de 4º fixemos este vídeoclip terrorífico. O tema musical escollido foi "Os esqueletos", na versión realizada por Luis Prego no seu derradeiro traballo "Xogos infantís". Fixemos un pouco de "playback", pero pasámolo moi ben. 
Con este vídeo iniciamos as actividades do proxecto de Innovación en Dinamización Lingüística "Antena Resío TV".  Agardamos que vos guste!!

9 de set. de 2015

Comeza o noso Ano Picolimpico 2015-16

Comezamos o novo curso escolar 2015-16 no CEIP do Rocío. O tema elixido para o noso proxecto anual do centro, "O Ano Picolímpico", xirará arredor dos Xogos Olímpicos e Paralímpicos. 
Ao longo do curso irémonos mergullando na historia dos Xogos, as súas orixes, os deportes que se realizan, as persoas que participan e o fan posible, etc. 
Como xa saberedes, a celebración dos próximos Xogos Olímpicos e Paralímpicos vai transcorrer no Río de Xaneiro no verán de 2016.  Van ser as primeiras Olimpíadas celebradas nun país da América do Sur e tamén as primeiras celebradas nun país de fala portuguesa. 
Desde o noso blogue A VOZ DO RESÍO, non queremos deixar pasar a oportunidade deste gran acontecemento mundial, no que a nosa língua, o galego, pola súa proximidade ao portugués, terá a presenza, relevancia e utilidade internacional que algunhas veces se lle pretende negar. 
Como introdución, deixamosvos con este vídeo promocional de Río 2016, apresentado por catro nenos brasileiros que nos explicarán o que alí vai acontecer dentro duns meses

15 de mai. de 2015

Letras Galegas 2015

Este ano o día das Letras Galegas está dedicado a Xosé Filgueira Valverde, "o vello profesor". No seguinte enlace do Seminario Galán atoparedes información e actividades para coñecer mellor a vida e obra deste autor:

http://www.seminariogalan.org/


Filgueira Valverde, o escritor homenageado no Dia das Letras 2015, dá nome a um documento fundamental para entender a história do galego contemporáneo: o “Decreto Filgueira”, que em 1982 oficializou a normativa do galego que chegou aos nossos dias, derrogando as imediatamente anteriores de Carvalho Calero. Decreto Filgueira explica os antecedentes deste acontecimento desde os anos 70.


6 de mai. de 2015

O Correlingua xa está a chegar

O mes de maio é un dos que maior actividade temos na escola. Comezaremos coa nosa participación na carreira-marcha pola lingua, o Correlingua. Os rapaces de 3º e 4º do CEIP do Rocío estamos xa a preparar os nosos cánticos e as nosas pancartas, esperando ser dos grupos máis marchosos deste evento. Ao chegarmos a Castrelos, poderemos gozar coa actuación do grupo Sacha Na Horta,que poñerán o final a esta marcha polos dereitos da nosa língua. Vémonos no Correlingua!

23 de mar. de 2015

Ponte a Europa

Ponte a Europa é un un intercambio cultural entre Pontevedra, Sardiñeiro e outros puntos de Europa a través dunha plataforma virtual con formato blog. Na última entrada, atopamos este vídeo dun rapaz de Berlín, chamado Suleiman, que está a estudar galego na súa universidade.


4 de mar. de 2015

Blog de Ali. Recursos para Ed. Infantil

Deixámosvos aquí un blog estupendo para traballar a Lingua Galega cos máis pequenos. Tedes ordeados por idades os recursos recollidos neste blog de recursos para Educación Infantil.

PREME NA IMAXE

24 de fev. de 2015

Viches a Rosalía de Castro?

Hoxe, 24 de febreiro, celebramos o 178 aniversario do nacemento das escritora galega máis universal: Rosalía de Castro. Para celebralo, ofrecémosvos este video realizado pola EEI A Laña (A Baña).


20 de fev. de 2015

A lingua galega na visión dunha brasileira

Aline é unha estudante brasileira de viaxe polo noso país. Desde Compostela, presenta aos seus paisanos a terra que acaba de descobrir, Galicia, na que se fala unha lingua moi semellante ao portugués: O Galego!
Se cadra, na súa visión, Aline cae nalgúns erros, mais é unha boa mostra da concepción que desde fóra teñen de nós e da nosa língua.

3 de fev. de 2015

Polas fillas dos nosos fillos

Este é o lema escollido pola Plataforma Queremos Galego para a manifestación deste domingo 8 de febreiro.
A plataforma cidadá Queremos Galego, formada por persoas a título individual e máis de 600 colectivos, promove a manifestación que terá lugar en Santiago de Compostela a prol dunha maior protección da língua galega.

 PARA SABER MÁIS, PREME NA IMAXE
http://botons.eu/2015/02/02/polas-fillas-dos-nosos-fillos-queremos-galego/