Actividades para as Letras Galegas

Achegándose xa o día 17 de maio, queremos presentarvos as actividades que o Seminario Galán propón para coñecer a Xose María Díaz Castro, personaxe homenaxeado este ano no día das Letras Galegas.

PREME NA IMAXE PARA ACCEDER ÁS ACTIVIDADES

Festa da Sementeira 2014

Festa da Sementeira de Matamá

 

PREME NA IMAXE PARA TER MAIS INFORMACIÓN

Un ano máis, o Colectivo Malaherba de Matamá organiza a Festa da Sementeira, na que poderedes gozar dunha chea de actividades, entre as que destacamos as Olimpiadas do Campo do sábado, a labranza cos bois e a sementeira do millo o domingo. Porén, a festa non remata aí. Tamén podedes acudir as diversas actuacións que terán lugar nesta fin de semana: Sergio Pazos (monólogo); Escornabois, Gaitas do  SCRD Nautilus, Zurrumalla, Sacha na horta, Sanamá...

Contamos con vós!!!  

Concerto en apoio á Semente Vigo

Este sábado 12 de abril, ás 18:30 h, no Centro Cívico de Teis. haberá un concerto infantil en apoio á escola Semente Vigo.
Contará coas actuacións de Paco Nogueiras Nodar, Pablíssimo contacontos e Andrea Bayer.
A entrada custa 5 € e os cartos recadados axudarán a financiar o proxecto educativo de Semente Vigo.
Contamos con vós!!

 

Como cho digo ;-)

Ponse en marcha Como cho digo ;-), unha campaña para a visibilización do uso do galego na comunicación.

PREME NA IMAXE PARA ENTRAR NO SITE.

A festa da Reconquista de Vigo

Achégase a data de conmemoración da Reconquista de Vigo, levada a cabo na Guerra de Independencia contra as tropas francesas. A Asoc. veciñal do Casco Vello leva xa 20 anos organizando esta festa na que se representan os acontecementos máis destacados daquel suceso. Durante tres días, a zona vella de Vigo estará ambientada naquela época, enchéndose de postos de artesanía e comida, acompañados por músicos e diferentes espectáculos.
No seguinte vídeo veredes aquela historia relatada por Carolo, un dos seus protagonistas.

VINCIOS.ORG: Coñecer o monte para defendelo

Desde a  Mancomunidade de montes de Vincios estase a traballar nun proxecto de posta en valor dos nosos montes. A súa idea pasa porque todos coñezamos que riquezas temos nos nosos montes (recursos económicos, arqueolóxicos, naturais,etc) e dese xeito tomemos conciencia da importancia que ten na nosa calidade de vida. Na súa web, Cartografías Sensibles, podedes atopar moita información sobre a Serra do Galiñeiro, sobre as súas riquezas e tesouros, que nos ofrecen unha chea de posibilidades de uso dos montes.

PREME NA IMAXE PARA ENTRAR NA WEB