A festa da Reconquista de Vigo

Achégase a data de conmemoración da Reconquista de Vigo, levada a cabo na Guerra de Independencia contra as tropas francesas. A Asoc. veciñal do Casco Vello leva xa 20 anos organizando esta festa na que se representan os acontecementos máis destacados daquel suceso. Durante tres días, a zona vella de Vigo estará ambientada naquela época, enchéndose de postos de artesanía e comida, acompañados por músicos e diferentes espectáculos.
No seguinte vídeo veredes aquela historia relatada por Carolo, un dos seus protagonistas.

VINCIOS.ORG: Coñecer o monte para defendelo

Desde a  Mancomunidade de montes de Vincios estase a traballar nun proxecto de posta en valor dos nosos montes. A súa idea pasa porque todos coñezamos que riquezas temos nos nosos montes (recursos económicos, arqueolóxicos, naturais,etc) e dese xeito tomemos conciencia da importancia que ten na nosa calidade de vida. Na súa web, Cartografías Sensibles, podedes atopar moita información sobre a Serra do Galiñeiro, sobre as súas riquezas e tesouros, que nos ofrecen unha chea de posibilidades de uso dos montes.

PREME NA IMAXE PARA ENTRAR NA WEB

O Entroido en Galicia: Recursos

Nas seguintes ligazóns podedes atopar unha chea de recursos relacionados co Entroido en Galicia.
O primeiro, o monográfico colaborativo creado pola Coordinadora Galega de EDNL. No segundo, podemos atopar diversos recursos dispoñibeis na web da Secretaría Xeral de Política Lingüística.

COORDINADORA GALEGA EDNL

SECRETARÍA XERAL POLÍTICA LINGÜÍSTICA

Editorial Galaxia inaugura unha canle online con vídeos de música infantil.

Sonárboretv é unha canle no youtube na que se irán ofrecendo os vídeos que protagonizan os libro-discos da colección Sonárbore. Polo momento poden visionarse os vídeos correspondentes aos traballos 'Bicos de música', de Mamá Cabra, e 'María Fumaça'. Nos próximos días iranse incorporando outros doutras producións, segundo informou a editorial. 

O Entroido de Galicia

Un apartado especial dentro do noso proxecto anual "Galicia 365", vai ser o adicado ao Entroido.
En Galicia a celebración do Entroido é unha tradición moi antiga. Temos moitos e moi variados Entroidos dentro do noso país, tan semellantes e ao mesmo tempo tan diferentes entre eles.
A modo de introducción, aquí vos deixamos unha pequena actividade para familiarizarnos coas distintas celebracións, figuras e tradicións de Entroido que se celebran en Galicia.

Ven de Furancho con Semente

Semente Vigo, é unha asociación sen ánimo de lucro que pretende desenvolver un proxecto educativo en galego para cativos de 2 a 5 anos na cidade de Vigo.
Esta Semente acaba de agromar e precisa do voso apoio para medrar forte e sa.
Por iso, convidámosvos a partir do xoves 30 de xaneiro e ata o sábado 1 de febreiro a asistir ao Furancho Malaherba, en Matamá, onde se realizarán diversas actividades infantís: Contacontos, Actuacións musicais, obradoiros... Aquí vos queda a programación. Agardamos por vós!!!:

Aquí vos queda un video da BANDA DOS CUEIROS, que actuarán o sábado ás 18:00 horas.



O Contacontos Sr. Garavata Torta

Preparando o Día da PAZ

O 30 de xaneiro celebramos o Día da Paz e da Non-violencia.
Nos seguintes links imos coñecer un pouco mellor esta celebración e as súas causas.

A PAZ CONSTRÚESE CO ESFORZO DE TOD@S