RADIO RESÍO: Programa do 15 de novembro

 Aquí tedes o programa de Radio Resío do 15 de novembro. Neste programa falaremos do Samaín, do Magosto e unha interesante reportaxe sobre o pobo Inuit. Agardamos que vos guste!!!

PREME AQUÍ PARA ESCOITAR O PROGRAMA

VI Edición do CONCURSO DE MICRORRELATOS DE MEDO E MISTERIO

Chegando o tempo do outono e como preparación para o Samaín, presentamos a sexta edición do Concurso de Microrrelatos de Medo e Misterio, no que o alumnado e as súas familias teñen a oportunidade de participar e mostrarnos o seu talento narrativo.

As diferentes CATEGORÍAS nas que poden participar os vosos relatos son: 

- AUDIO: Poderán presentarse a esta categoría os microrrelatos gravados nun audio. 

Animámosvos a participar nesta categoría! É moi sinxelo: pensa nun bo tema, escribe o guión e grávate! A túa historia publicaráse nos programas de Radio Resío que se emitan durante este outono.

- VÍDEO: Participarán nesta categoría os relatos que fagan un pequeno relato audiovisual en formato Vídeo.

Fai a túa curta! Móstranos o Alfred Hitchcock que levas dentro. 

Fíxate ben nas normas que hai establecidas para ambas as dúas categorías. Que non quede fóra a túa historia por un pequeno despiste!

NORMAS para os relatos: 

1- Estes pavorosos microrrelatos terán que estar elaborados en Lingua Galega. 

2- O tema ten que ser de medo ou de misterio. 

3- Deben de ter unha duración máxima de DOUS MINUTOS. 

4- Poden realizarse nas modalidades de Audio e de Video. 

5- Tedes que envialos por unha destas canles: 

· E mail: juanlf@colexiorocio.com 

· WhatsApp da nosa escola 658715569 

· Traer á escola nun Pen drive 

6- A data límite para entregar os vosos relatos será o LUNS 23 de outubro ás 23:59h. 

 

Os microrrelatos de misterio e medo serán avaliados tendo en conta os seguintes criterios: 

CRITERIOS DE PUNTUACIÓN

-A corrección idiomática 

-Os efectos especiais 

-A participación do alumnado 

-A entonación e interpretación

-A estrutura do relato: inicio, nó, e desenlace. (Non  ten que ser necesariamente nesa orde!)

O martes 31 de outubro teremos a estrea oficial dos microrrelatos finalistas e coñeceremos aos autores  destas terroríficas creacións. 

Haberá uns horribles e monstruosos premios para os finalistas e gañadores das diferentes categorías do concurso. 

Agardamos a vosa participación!!!

RADIO RESÍO: Programa MAIO 2023

 Xa tedes aquí unha nova emisión de RADIO RESÍO, adicada especialmente ás Letras Galegas. Neste programa, os rapaces de 2º de Ed. Primaria cóntannos uns ditos populares e unhas brincadeiras. Tamén vos ofrecemos a entrevista que os de 6º de Ed. Primaria fixeron a Anxo Iglesias, Premio Merlín 2022 co seu libro de poesía "Unha nova dimensión". E para rematar, os alumnos de 3º de Ed. Primaria nos falarán un pouco do autor homenaxeado este ano nas Letras Galegas, Francisco Fernández del Riego.

Agardamos que vos guste!!!!

PREME PARA ESCOITAR O PROGRAMA

 

 

RADIO RESÍO Resumo do segundo trimestre

 

Deixámosvos un novo capítulo de Radio Resío, no que facemos un resumo dalgunhas das actividades que se realizaron no noso centro durante este trimestre: Día da Paz, Dia de Rosalía, os 21 días co galego...

Agardamos que vos guste!!!

PREME AQUÍ PARA ESCOITAR O PROGRAMA

PROGRAMA RESUMO 2º TRIMESTRE