RADIO RESÍO Resumo do 1º trimestre

 

Chegados xa ás vacacións de Nadal, desde Radio Resío facemos un repaso do que aconteceu no noso centro desde que comezou o curso. Premede no título para acceder ao programa:

PROGRAMA  RESUMO 1º TRIMESTRE CURSO 2022-23

RADIO RESÍO: Achégase o Samaín.

Agora que se achega o Samaín, queremos lembrarvos as actividades do cole nas que podedes participar para este Samaín. Fixemos este programa para animarvos a todos a participar. Non as perdades!! 

ESCOITAR PROGRAMA DE RADIO

Se nos fixestes nunca unha cabaza de Samaín, só tedes que seguir estas instrucións: 

1- Escolle unha cabaza segundo as túas preferencias: alongada, redonda, grande, mediana... Recomendámosvos que non escollades unha cabza demasiado grande nin pequena, pois son máis difíciles de traballar. Máis que a súa forma, o importante é que comprobedes que non é demasiado dura para traballar con ela. 

2- Coa axuda dun adulto, fai un burato pola parte superior da cabaza, (onde está o rabo). Faino con coidado, para que poidas usar de tampa a parte pola que furaches a cabaza. Ten que ser un burato suficientemente amplo para poder obrar por dentro da cabaza con facilidade. 

3- Cunha culler grande, baleira o interior da cabaza (podes gardar as sementes para a primavera). Ten conta de deixala ben limpa, pero con coidado de non furar as paredes da cabaza. 

4- Fai o teu deseño cun lapis sobre a cabaza. Bótalle imaxinación!! Ponlle ollos, nariz, un sorriso monstruoso...Tamén podes buscar modelos que te inspiren en Internet. 

5- Coa axuda dun adulto, vai facendo buratos sobre o deseño que fixeches en lapis na túa cabaza. 

6- Podes complementala co que se che ocorra, para que a túa sexa a cabaza máis fashion de toda a exposición. 

7- Trae á escola a túa cabaza cun papeliño no que figuren o teu nome e curso. 

A TRABALLAR!! 

O venres 29 deberedes levar de volta a vosa cabaza, para que vos acompañe ao longo da festividade do Samaín.

RADIO RESÍO: Excursión ao Parlamento e á Xunta

 Deixámosvos un novo programa de Radio Resío no que vos contamos a excursión que fixeron os de 5º e 6º a semana pasada a Santiago, onde visitaron a sé do Parlamento de Galicia e o edificio da Xunta en San Caetano. Agardamos que vos guste!

PROGRAMA DE RADIO

Excursión a Santiago de 5º e 6º de Primaria

O mércores 19 fomos de excursión a Santiago a ver o Parlamento e o edificio da Xunta de Galicia. Saímos do colexio as nove e media. Estivemos unha hora e media no autobús. Chegamos ao parlamento e nos recibiu unha guía chamada Adriana. 

Entramos nunha sala e nos explicaron as funcións do Parlamento. Na sala había tapices dos escudos das 7 antigas provincias do reino de Galicia. Tamén había cadros dos presidentes de Galicia que xa non están. Tamén nos puxeron un vídeo das funcións do Parlamento: -Teñen tres funcións: -Lexislativo -Electivo -Control executivo. 

Despois fomos á biblioteca e polos corredoiros vimos unha chea de cadros de Galicia. Chegamos a biblioteca e os libros falban de leis, dereito, infraestruturas etc... Despois de rematar na biblioteca fomos a ver un debate no que un queria separar as nenas dos nenos nas escolas. 

Ao sair do parlamento fomos a Xunta. Nos recibiu una guía chamada Laura, nos ensino o edificio que era una escola de xordomudos fomos a onde se aproban as leis e logo onde os conselleiros debatian.

RADIO RESÍO: Visita ás salinas romanas de Vigo

 Os alumnos de 6º fixeron o martes 17 de outubro unha visita ás salinas romanas de Vigo, na rúa Rosalía de Castro. Aproveitamos a saída para pasear pola praza de Compostela, tamén coñecida como a Alameda, na que puidemos ver estatuas e esculturas, árbores moi grandes e vellas e exemplos da arquitectura de prinicipios do s. XX. Agardamos que vos guste o noso programa!!

PROGRAMA DE RADIO: As salinas romanas

Excursión Pza. Compostela e Salinae

Empezamos a excursión na praza de Compostela que antes chamábase Alameda. O nome cambiouse o 13 de marzo de 1935 aínda que hai xente que a segue chamando Alameda. A finais do século XIX foi o primeiro xardín urbano. Había moitas arbores: magnolios, unha araucaria moi grande, uns fentos xigantes e Camelios. Tamén había moitas estatuas na praza: de pescadores, de Don Castro Méndez Nuñez (construíse o 21 de agosto de 1890), outra dunha cabra e un carneiro, dun neno montado nun caracol, de Curros Enríquez, outra dunha muller con tres nenos buscando a o seu pai que foi ao mar...

Ademais, vimos edificios modernistas, un tiña forma de barco! Había un edificio horrible, que era unha mestura entre moderno e antigo. Había unha que era “ A casa Yañez”, de 1900, que foi feita para Paulino e Francisco Yañez. Tamén vimos o consulado de Ecuador. Na rúa Policarpo Sanz hai unha placa que indica que alí viviu Camilo José Cela, que levou un premio Nobel de literatura. A maioría dos edificios históricos agora son bancos.

Despois fomos as salinas, vimos algúns restos arqueolóxicos, como por exemplo: as propias salinas, as receitas de Apicius, o calzado dos romanos, a salsa Garum...

Contáronnos que a calle Pontevedra era Necrópole, é dicir, un cemiterio. Explicáronos que o sal servía para: Conservar os alimentos, para cociñar, para pagar e para facer tintes.

Para saber que cociñaban os romanos, utilizaron a técnica mapache, que consiste en escarvar e atopar a comida petrificada, e polos libros

antigos.

O primeiro paso para a obtención da sal é que cando chega pasa por unha piscina con moita altura que ten pedras dentro para quitar a sucidade.

O segundo paso é que pasa a outra piscina.

Despois deixan que a auga se evapore.

CONCURSO DE MICRORRELATOS DE MEDO E MISTERIO

 Outro ano máis, as familias teñen a oportunidade de participar no terrorífico Concurso de Microrrelatos de Medo e Misterio que facemos todos os anos cando chega o Samaín.

As diferentes CATEGORÍAS nas que poden participar os vosos relatos son: 

- AUDIO: Poderán presentarse a esta categoría os microrrelatos gravados nun audio.

- VÍDEO: Participarán nesta categoría os relatos que fagan un pequeno relato audiovisual en formato Vídeo.

NORMAS para os relatos: 

1- Estes terroríficos microrrelatos terán que estar elaborados en Lingua Galega. 

2- O tema ten que ser de medo ou de misterio. 

3- Deben de durar como moito 1 minuto e medio. 

4- Poden realizarse nas modalidades de Audio e de Video. 

5- Cando xa teñades os microrrelatos feitos, tedes que envialos por unha destas canles: 

· E mail: juanlf@colexiorocio.com 

· WhatsApp da nosa escola 658715569 

· Traer á escola nun Pen drive 

6- A data límite para entregar os vosos relatos será o día 24 de outubro ás 23:59h. 

 

O día 28 de outubro teremos a estrea oficial dos microrrelatos finalistas e coñeceremos aos autores  destas terroríficas creacións. 

Haberá uns horribles e monstruosos premios para os finalistas e gañadores das diferentes categorías do concurso. 

Os microrrelatos de misterio e medo serán avaliados tendo en conta os seguintes criterios: 

-A corrección idiomática 

-Os efectos especiais 

-A participación do alumnado 

-A entonación e interpretación

-A estrutura do relato: inicio, nó, e desenlace. (Non  ten que ser necesariamente nesa orde!)

Agardamos a vosa participación!!!

RADIO RESÍO: Novo programa de "Música no faiado"

 Desde o club de lectura da nosa escola envíannos este novo programa da nosa radio escolar Radio Resío, na que lle dan un repaso á música do século XX, relacionada co libro "Música no faiado" de Miguel Ángel Alonso Diz

Aquí podedes escoitar o programa : PREME AQUÍ

Celebramos os Maios e as Letras Galegas 2022

Onte, 13 de maio celebramos na nosa escola a festa dos Maios e das Letras Galegas. 

Ao longo da semana estivemos investigando arredor da figura de Florencio Delgado Gurriarán e traballamos con estes materiais.

Ao longo da mañá, os distintos cursos foron encargándose de realizar as grilandas do maio con flores, con ovos, preparar a estrutura vexetal, etc...

Tedes neste enlace algunhas das fotos que tiramos ao longo da xornada:

FOTOS 1

FOTOS 2

Como todos os anos, tras confeccionar o noso maio, reunímonos no patio para cantarlle as coplas. 

Despois, a aula de 4º de Ed. Primaria fixeron o "baile das fitas" como xa é tradición na nosa escola.

Para rematar, cantamos o Himno todos xuntos.

 Desta ocasión contamos coa colaboración das pandereiteiras "As mozas de Ouro" de Coruxo, xunto cun par de gaiteiros que nos quixeron acompañar, Xacobe e Luís. A todos eles, moitas grazas! E agardamos que repitan o próximo ano.

Letras Galegas 2022: Actividades sobre Florencio Delgado Gurriarán

Achégase o mes de maio, o mes das Nosas Letras, este ano adicado ao autor valdeorrés Florencio Delgado Gurriarán. Para que vaiades coñecendo a súa figura, deixámosvos aquí as actividades que nos ofrece o Seminario Galán:

- Actividades en liña:

- Actividades para imprimir

Ademais destas actividades, atoparedes máis materiais na seguinte ligazón:

 O GUIEIRO DE FLORENCIO

RADIO RESÍO: Programa do Día do Libro 2022

 Aquí tedes un novo programa de RADIO RESÍO, realizado pola clase de 4º de Ed. Primaria e adicado ao Día do Libro. Neste programa entrevistaremos a varias alumnas e ex-alumnas, Agardamos que vos guste!

PROGRAMA Día do Libro 2022

Hip Hop con Rosalía de Castro

 Para conmemorar o nacemento de Rosalía de Castro, que se celebra mañá, 23 de febreiro, os alumnos de 5º de Ed. Primaria fixeron unhas adaptacións dos poemas de Cantares Gallegos ao Hip Hop. 

Agardamos que vos gusten!!

HIP HOP con Rosalía de Castro