Vinte filmes galegos para ver na ponte de Samaín

Preme non MONSTRO para ir ao enlace

II Concurso Microrrelatos de Medo e Terror

Achegámonos ao Samaín, a época do ano máis misteriosa e terrorífica. Como no curso pasado, queremos que participedes coas vosas historias de medo na celebración desta festa. Animádevos!!!

BASES DO II CONCURSO DE MICRORRELATOS DE MEDO E TERROR

- Convócase a todo o alumnado e as familias a participar do concurso de "Microrrelatos de medo" de Samaín.

- As categorías que se establecen son as seguintes:
"FAMILIAS": Nesta categoría os relatos poden ser realizados e interpretados polos alumnos e as súas familias.
"ALUMNO/A": Os relatos desta categoría deberán ser interpretados exclusivamente polos alumnos, aínda que poidan recibir axuda para elaborar o guión e a produción do relato. 

- Os relatos deberán ser elaborados en Lingua Galega

- A temática dos microrrelatos deberá ser de terror, medo ou misterio.

- Os relatos deben de ter unha duración máxima de 1 minuto.

- Os relatos poden ser realizados en vídeo ou audio, puidendo presentarse en formato de curtametraxe ou de audio-relato.

- Os relatos poderán ser enviados polas seguintes canles:
 1) WhatsApp da escola 658715569
 2) E-mail: juanlf@colexiorocio.com  
 3) Traer á escola nun Pen drive.

- O prazo de presentación dos microrrelatos rematará o Luns 28 de outubro, este incluído, ás 23:59:59 h)

- O día 30 de outubro, coñeceremos os microrrelatos gañadores. Os seus autores recibirán un premio horripilante e monstruoso.

- Os microrelatos de medo serán avaliados tendo en conta estes criterios:

• A participación do alumnado.
• A corrección idiomática
• A duración
• A entoación
•  A estrutura: introdución, nó e desenlace.
• Os efectos especiais
• A data de entrega

21 días co galego e +

Os cursos de 5º e 6º de Ed. Primaria realizamos durante este mes de maio unha actividade na área de Lingua Galega chamada "21 días co galego e +". Esta actividade leva uns cantos anos desenvolvéndose en diferentes centro de ensino secundario e a nosa intención foi a de adaptala ao noso alumnado de Ed. Primaria. O obxectivo desta actividade e fomentar o uso oral da lingua galega entre os rapaces, tentando levalo a todos os ámbitos, tanto da escola como fóra dela.
Algunhas das actividades incluídas neste proxecto foron as seguintes:
- Lecturas e comentarios destas:"Fábula del castellanoparlante" ; "Son neofalante"
- Reflexións persoais gravadas en vídeo / audio polos nosos alumnos

- Propostas de xogos para facer coa familia
- Concurso de regueifas

Esta semana rematamos este proxecto. Estamos agardando as derradeiras reflexións persoais para facer unha avaliación final. Cremos que paga a pena, aínda que o obxectivo final non sempre sexa acadado por todos os alumnos.

Xornada de Xogos Tradicionais

O 16 de maio os alumnos de 6º de Ed. Primaria fomos convidados a un encontro de Xogos Tradicionais celebrado en Silleda. Alí xuntámonos a outros rapaces de Tirán, A Estrada, Sanxenxo... nun encontro no que practicamos diferentes xogos e deportes traicionais.

Ademais dos xogos, tamén gozamos cunha sesión de animación e pasámolo moi ben. Aquí vos quedan algunhas fotos desta xornada lúdica.